Путин ол кезде КХДР басшысы Ким Чен Ирмен кездескен
Ресей президенті Владимир Путин Солтүстік Кореяға 24 жылдан кейін алғаш рет барды. 2000 жылы Путин сол кездегі КХДР басшысы Ким Чен Ирмен кездескен. Бұл туралы Sarbaz.kz тілшісі Euronews агенттігіне сілтеме жасап хабарлайды.
Қазіргі сапарды екі елдің БАҚ өкілдері қарымта сапар деп атайды: Путинді өткен жылд ың қыркүйек айында Ресейге барған Ким Чен Ын шақырған.
Батыстық БАҚ екі елдің делегациялары санкцияларды айналып өту, сондай-ақ әскери-техникалық ынтымақтастықты жалғастыру мәселесін талқылайды деп болжап отыр. Тәуелсіз бақылаушылар мен БҰҰ сарапшылары Пхеньян Мәскеуді Украинамен соғыста қару-жарақпен, оқ-дәрілермен қамтамасыз етіп отыр деп айыптайды.
Солтүстік Кореяның көршілері Пхеньян айырбас ретінде ресейлік технологияны, оның ішінде санкцияларды бұзатын технологияны алуы мүмкін деп қорқады, бұл Корей түбегінде және бүкіл аймақта шиеленісті күшейтеді.
