Нетаньяху Израиль кез келген жағдайда қолында бар қару-жарақпен қорғанатынын айтқан болатын
АҚШ таяу күндері Израильге қару-жарақ жеткізуді қайта бастайды. Бұл туралы Sarbaz.kz тілшісі Bild басылымына сілтеме жасап хабарлайды.
Мамыр айында АҚШ билігі Газа секторының Рафах қаласына жасалған шабуылына байланысты Израильге қару-жарақ жеткізуді тоқтатқан болатын. Сол шабуылда жүздеген бейбіт тұрғын қаза тапқан.
Басылым мәліметінше, Беньямин Нетаньяху жақында АҚШ-ты қару-жарақ жеткізуді қалпына келтіруге шақырған. Ол бұл өтінішін Американың мемлекеттік хатшысы Энтони Блинкенге жолдады.
Беньямин Нетаньяхудың айтуынша, қару-жарақ жеткізілімін тоқтату Израильдің ХАМАС мүшелерін ауыздықтауға нұқсан келтірді. Сонымен бірге, Нетаньяху Израиль кез келген жағдайда қолында бар қару-жарақпен қорғанатынын айтқан болатын.
Bild-тің хабарлауынша, Блинкен АҚШ-тың алдағы күндері шектеулерді алып тастап, Израильді көбірек қару-жарақпен қамтамасыз ететінін айтты.
