Бұл ХАМАС-қа қарсы соғыс басталғаннан бергіЦАХАЛ-дың бір күндегі ең үлкен шығынының бірі
Соңғы апталарда ХАМАС лаңкестік қозғалысы содырларымен шайқас жүріп жатқан Газа секторының оңтүстігіндегі Рафах қаласының маңында бронетранспортер жарылысынан израильдік сегіз сарбазы қаза тапты. Бұл туралы Израиль қорғаныс күштерінің (ЦАХАЛ) баспасөз хатшысы Даниел Хагари Израиль телеарнасында айтты.
Хагари жарылысқа аймаққа қойылған жарылғыш зат немесе танкке қарсы зымыран себеп болуы мүмкін екенін айтты. Бұл туралы қаза тапқандардың отбасылары хабарлады.
Бұл Газа секторында 27 қазанда басталған әскери операциядан бері ЦАХАЛ-дың бір күндегі ең үлкен шығынының бірі. Ресми мәлімет бойынша, осы уақыт ішінде 306 израильдік сарбаз қаза тапты.
Сол күні Тель-Авивте премьер-министр Биньямин Нетаньяху мен оның саясатына қарсы мыңдаған адам наразылық шеруі өтті. Шерушілер елде жаңа парламенттік сайлау өткізуді, ХАМАС тұтқынында қалған израильдік барымталарды босату және Газа секторындағы әскери операцияны тоқтату әрекеттерін күшейтуді талап етті.
