Путин Пхеньянға сапары барысында Ким Чен Ыннан одан әрі қару-жарақ жеткізуді сұрайды
Солтүстік Корея Ресейге шамамен 5 миллион артиллериялық оқ салынған контейнерлер жіберуі мүмкін. Бұл туралы Bloomberg агенттігіне берген сұхбатында Оңтүстік Кореяның қорғаныс министрі Шин Вон Сик мәлімдеді.
Министрдің айтуынша, Сеул Солтүстік Кореядан Ресейге кемінде 10 мың жүк контейнерінің тасымалданғанын тіркеді. Оның айтуынша, Ресей президенті Владимир Путин жақын арада жоспарланған Пхеньянға сапары кезінде жеткізілімдерді одан әрі үйлестіруге тырысуы мүмкін.
Путин Солтүстік Кореямен қауіпсіздік саласында, әсіресе, жеңіске жету мүмкіндігін (Украинаға қарсы соғыста - ред.) пайдалану үшін қажет артиллериялық снарядтар сияқты әскери жеткізілімдер саласында тығыз ынтымақтастыққа ұмтылады деп күтілуде, – деп келтіреді агенттік.
Оңтүстік Корея Қорғаныс министрлігі басшысының айтуынша, Пхеньян Ресейге ондаған баллистикалық зымыран да жіберген.
Бұған жауап ретінде Мәскеу Солтүстік Кореяға танктер мен ұшақтар сияқты кәдімгі қару-жарақтарды және бірнеше барлау спутниктерін берді, деп хабарлайды басылым.
