Теміржол бекеттері бұрынғыдай жұмысын жалғастырады
Қазақстан мен Қытай шекарасындағы автокөлік өткізу бекеттері бір күнге жабылады, деп хабарлайды Sarbaz.kz ҚР Қаржы министрлігі Мемлекеттік кірістер комитетінің (МКК) баспасөз қызметіне сілтеме жасап.
«Қытайда 10 маусымда «Айдаһар қайықтары» мерекесіне байланысты Қазақстан-Қытай шекарасындағы автомобиль өткізу бекеттерінде адамдардың, көлік құралдарының және жүктердің өтуі жүзеге асырылмайды», - делінген хабарламада.
Бұл ретте Қазақстан-Қытай шекарасындағы теміржол бекеттері әдеттегідей жұмысын жалғастырады.
«Біз тасымалдаушылар мен шекараны кесіп өткісі келетіндердің барлығынан белгіленген шектеулерді ескере отырып, өз бағытын алдын ала жоспарлауды сұраймыз», - делінген Мемлекеттік кірістер комитетінің хабарламасында.
