Ол Мәскеуге бірнеше рет барып, азаматтармен кездесулер өткізген
Мәскеуде Ресейдің әскери қызметі туралы ақпарат жинады деген күдікпен Франция азаматы ұсталды. Ресей Федерациясының тергеу комитеті Telegram-каналында тұтқындау барысындағы кадрларды жариялады. Бұл туралы Sarbaz.kz тілшісі Euronews агенттігіне сілтеме жасап хабарлайды.
Агенттік мәліметінше, ұсталған азамат тергеу амалдарын жүргізу үшін Мәскеудің тергеу комитетінің департаментіне жеткізілген. Шетелдік агенттер туралы заңнамада (ҚК 330.1-бабының 3-бөлігі) көзделген міндеттерді орындаудан жалтару фактісі бойынша қылмыстық іс қозғалды.
Тергеушілердің айтуынша, ұсталған азамат бірнеше жыл бойы Ресейдің әскери және әскери-техникалық қызметі саласындағы мәліметтерді мақсатты түрде жинаған. Ол үшін күдікті Ресейге, әсіресе Мәскеуге бірнеше рет барып, азаматтармен кездесулер өткізген, деп хабарлайды тергеу комитеті.
«Бұл ақпарат, егер шетелдік көздерден алынған болса, мемлекеттің қауіпсіздігіне қарсы пайдаланылуы мүмкін», - делінген хабарламада.
ТАСС құқық қорғау органдарындағы дереккөзге сілтеме жасап, ұсталған азаматтың 1976 жылы туған Лоран Винатье екенін, ол швейцариялық гуманитарлық диалог орталығының кеңесшісі екенін жазады. Оның LinkedIn профилінде гуманитарлық диалог орталығында «Еуразия және Ресей» бағдарламасының кеңесшісі болып жұмыс істейтіні жазылған.
Күдіктіні ұстау Франция мен Ресей арасындағы қарым-қатынастың күрт нашарлауы аясында болды. Ресей сыртқы істер министрі Сергей Лавров Франция президенті Эммануэль Макронның Украинаға НАТО әскерін, оның ішінде франциялықтарды жіберу мүмкіндігі туралы пікіріне жауап берді.
«Украинаға нұсқаушы немесе жалдамалы ретінде келген кез келген франциялық әскери қызметкер Ресей үшін заңды нысана болып саналады», - деді Лавров.
Ал бейсенбі күні таңертең Францияда Донбасстың Ресей және Украина азаматтығын алған тумасы лаңкестік әрекетке дайындалды деген күдікпен қамауға алынған.
