Нетаньяхудың серіктестері шұғыл әрекет етуге шақырды
Премьер-министр Биньямин Нетаньяху Израильдің Ливанмен шекарасында «өте қарқынды операцияға дайын» екенін айтты, деп хабарлайды Sarbaz.kz тілшісі Al-Jazeera-ға сілтеме жасап.
«Біз солтүстікте өте қарқынды операцияға дайынбыз. Қалай болғанда да, біз солтүстікте қауіпсіздікті қалпына келтіреміз», - деді Нетаньяху.
Сонымен қатар, Нетаньяхудың коалициясындағы серіктестері – ұлттық қауіпсіздік министрі Итамар Бен-Гвир мен қаржы министрі Бецалель Смотрич соңғы күндері шұғыл әрекет етуге шақырды.
«Олар бізді өртеп жатыр, «Хезболланың» барлық бекінісі өртеніп, жойылуы керек. СОҒЫС!» деп жазды Бен-Гвир Telegram-да
Израиль Бас штабының басшысы Герци Халеви армияның солтүстікке шабуыл жасауға дайын екенін айтты.
«Бас штабтың өте жақсы дайындығынан кейін біз солтүстікке шабуыл жасауға дайынбыз. Біз шешім қабылдау үстіндеміз», - деді ол.
Айта кетейік, 2006 жылы Израиль мен «Хезболла» арасындағы шайқас Екінші Ливан соғысынан кейінгі ең үлкен қақтығыс болды, шекараның екі жағындағы ондаған мың адам үйлерін тастап кетуге мәжбүр болды.
