Елдің әуе шептерін күзетуде Бук-М2Э, Тор-М2К зениттік-зымыран кешендері тұр
Қазақстанның Әуе қорғанысы күштері биыл 16 жаңа техника алады. Бұл туралы ведомствоның YouTube-каналында подполковник Мейір Кәрімов айтып берді, деп хабарлайды Sarbaz.kz.
«Биыл біз 16 жаңа заманауи әуе кемесін аламыз. Оның ішінде он Су-37 ұшағы, екі L-410 ұшағы, бір C-295 үлгісіндегі ұшақ, сондай-ақ Anka-ның үш барлау соққы беретін ұшқышсыз ұшағы бар», - деді подполковник Мейір Кәрімов.
Қазақстан Қорғаныс министрлігі әскери-көліктік авиация бағытында 2013 жылдан бастап еуропалық Airbus авиаконцернімен белсенді жұмыс істеп келеді. Келесі жылдан бастап 40 тоннаға дейін жүк көтере алатын А-400 ұшақтарымен толығады.
«Армия авиациясында біз негізінен ресейлік МИ маркалы тікұшақтарды қолданамыз: МИ-35, МИ-24, МИ-8, МИ-17, МИ-171ША. Сондай-ақ көлік-жауынгерлік тікұшақтар: америкалық өндірістің AH-2 және отандық өндірістің ЕС-145», - деді М.Кәрімов.
Сонымен қатар, елдің әуе шептерін күзетуде Бук-М2Э, Тор-М2К зениттік-зымыран кешендері тұр.
