Көмек пакетінің нақты қашан жарияланатыны белгісіз
АҚШ жақын арада Украинаға 225 миллион доллар болатын жаңа көмек пакетін дайындап жатыр. Бұл туралы Sarbaz.kz тілшісі BBC агенттігіне сілтеме жасап хабарлайды.
Агенттік мәліметінше, Украинаға көмектің келесі партиясы туралы мәліметтер АҚШ президенті Джо Байденнің Владимир Зеленскиймен кездесуі алдында белгілі болды. Екі лидер арасындағы келіссөз бейсенбі күні одақтастардың Нормандияға қонғанына 80 жыл толуына арналған тойлау кезінде өтуі керек.
Көмек пакетінің нақты қашан жарияланатыны белгісіз, бейсенбі немесе жұма, деп жазады Reuters.
Жыл басында АҚШ Конгресінің қаржыландыруды мақұлдамауынан туындаған алты айға жуық үзілістен кейін Киевке көмек көрсетуді ары қарай жалғастырды.
Америка парламенті Украинаға 60 миллиард доллар көмек жіберуге рұқсат беретін заң қабылдағаннан кейін Киев Вашингтоннан бірнеше көмек пакетін алды, оның ішінде снарядтар, зымырандар мен броньды машиналар бар.
