2000 жылы екі ел көшбасшылары теміржол қатынасын қалпына келтіру туралы келісім жасаған
Оңтүстік Кореяның барлау қызметі жақында Солтүстік Корея корейаралық теміржолдың солтүстік жағындағы кейбір учаскелерін бұзғанын мәлімдеді, деп хабарлайды Sarbaz.kz тілшісі Yonhap агенттігіне сілтеме жасап.
Басылым бұл корейаралық алмасу мен ынтымақтастық мұрасын өшіру әрекеті екенін атап өтті.
Оңтүстік және Солтүстік Корея 2000 жылы екі ел көшбасшыларының бірінші саммитін өткізген кезде Кенги мен Тонхэ теміржол қатынасын қалпына келтіруге келіскен. Екі Кореяны бөліп тұрған қарусыздандырылған аймақ арқылы өтетін Тонхэ теміржолы 2006 жылы салынған және шығыс жағалаумен шамамен 27 шақырымды жалғайды. Бірақ 2007 жылғы сынақ операциясын кейін жұмыс істеген жоқ.
«Жақында Тонхэ теміржолының кейбір учаскелері бұзылып жатқаны туралы белгілер пайда болғандықтан, біз жағдайды бақылап отырмыз», - деді Ұлттық барлау қызметі.
Айта кетейік, Оңтүстік Корея Солтүстік Кореяның қоқыс шарларын ұшыруына және GPS сигналдарына байланысты жауап ретінде әскери шиеленісті азайту жөніндегі 2018 жылғы кореяаралық келісімді толығымен тоқтатқан болатын. Сеул әскери демаркациялық сызыққа жақын және солтүстік-батыс шекаралық аралдарда барлық әскери әрекеттерді, оның ішінде артиллериялық жаттығулар мен далалық жаттығуларды жалғастыратынын мәлімдеді.
