Бас прокуратура дереу полицияға хабарласуға кеңес берді
Алаяқтар прокуратура қызметкерлері мен басшылығының атынан қазақстандықтарға жиі хабарласып, мессенджерлерде жаза бастады, деп хабарлайды Sarbaz.kz ҚР Бас прокуратурасының баспасөз қызметіне сілтеме жасап.
«Осыған байланысты, Бас прокуратура азаматтарды бейтаныс аккаунттарға сенбеуге және күмәнді сілтемелерге өтпеуге шақырады. Мұндай қоңыраулар немесе хабарламалар түскен жағдайда дереу құқық қорғау органдарына хабарлауыңызды сұраймыз», - делінген хабарламада.
Соңғы кездері алаяқтар шенеуніктердің және мемлекеттік органдардың атынан өтініш жасау арқылы алдау әдісіне жиі жүгінуде. Атап айтқанда, мамыр айының ортасында белгісіз біреулер Энергетика министрлігі басшылығының жеке мессенджерлеріне қол жеткізген.
