Әскери көмектің ішінде ASC 890 бақылау ұшағы, Rb 99 орта қашықтықтағы әуе зымырандары бар
Швеция Украинаға жалпы сомасы 13,3 миллиард швед кроны, шамамен 1,2 миллиард еуроны құрайтын әскери көмек көрсетуге уәде берді. Бұл туралы Sarbaz.kz тілшісі Bild басылымына сілтеме жасап хабарлайды.
«Швеция Украинаны 16-шы көмек пакетімен қолдайды, бұл бүгінгі таңдағы ең ауқымдысы болып есептеледі», – деді Премьер-министрдің орынбасары Эбба Буш журналистерге.
Пакетке, басқалармен қатар, ASC 890 бақылау ұшағы, Rb 99 орта қашықтықтағы әуе зымырандары, артиллериялық оқ-дәрілер және 302 типті бронетранспортерлер кіреді.
«Ол Украинаға мүлдем жаңа радарлық барлау, әуедегі және теңіздегі нысандарға қарсы жауынгерлік бақылау мүмкіндігін береді, сондай-ақ оның ұзақ мерзімді перспективада нысанаға дәл тигізу қабілетін нығайтады. Ұшақ оқу-жаттығу және техникалық жабдықтармен келеді», – делінген хабарламада.
Швеция Украина армиясының жаңа бригадаларын құруға қолдау көрсету үшін өзінің 302 бронетранспортер флотын толығымен береді.
2022 жылдың 24 ақпанында Ресейдің басып кіруі басталғаннан бері Швеция Украинаға жалпы сомасы 22,2 миллиард кронаға (2,1 миллиард доллардан астам) тең қару-жарақ пен құрал-жабдық берді. Көмек 14 қолдау пакетіне бөлінді. Бүгінгі күнге дейін құны 6,3 миллиард крона болатын ең үлкен пакетке Leopard танктері мен Archer артиллериялық қондырғылары кірді.
Швеция Украинаға ең заманауи ауыр қару-жарақ жүйелерін берді: 50 дана Stridsfordon 90 танкі, Leopard танкінің аналогы – 10 дана, 8 дана Archer артиллериялық қондырғы, Hawk зениттік зымырандары, NLAW танкке қарсы зымырандары, Hellfire кемеге қарсы зымырандары және AT4 қарсы зымырандары, танк зеңбіректері, қорғаныс және миналардан тазарту құралдары, сондай-ақ қосалқы бөлшектер мен оқ-дәрілер бар.
