Ел үкіметі канцлердің сөзіне түсініктеме берді
Германия билігі канцлер Олаф Шольцтың Украинаның алдағы 30 жылда НАТО-ға қабылданбайтыны туралы пікіріне қатысты мәлімдеме жасады. Бұл туралы Sarbaz.kz тілшісі Bild басылымына сілтеме жасап хабарлайды.
Жексенбі күні Олаф Шольц Берлин тұрғындарымен кездесуінде Украинадағы ауқымды соғыс басталардан 10 күн бұрын Владимир Путинмен келіссөздер өткізгені туралы айтты.
«Айтпақшы, ол соғыстың бір себебін Украинаның НАТО-ға қосылу мүмкіндігі деп атады. Мен оған: «Сіз НАТО-ның шешімін білесіз, бұл жақын арада болуы мүмкін. Мүмкін алдағы 30 жылда да болмауы мүмкін», дедім. Мен мұны ашық айттым», - деген еді Германия канцлері Путинмен кездесуінде.
Басылымның жазуынша, Ресейдің үгіт-насихатшылары бұл сөздерді Украинаның НАТО-ға қазір де қабылданбауы мүмкін екендігінің дәлелі ретінде пайдаланды. Кейбірі Еуропа елдеріндегі әлеуметтік желілерде дәл осы туралы жазады.
Ал түптеп келгенде Ресейдің Украинаға шабуылынан кейін Германия билігі «өзгеріс кезеңін» (Zeitenwende) жариялады әрі сыртқы саясатын түбегейлі өзгертті.
«Жағдай мүлде өзгерді. Сондықтан 30 жыл болмауы мүмкін. Ал ол Ресейдің Украинаға шабуыл жасамас бұрын болған», - деп жауап берді Германия үкіметінің өкілі Штеффен Хебештрайт.
