Канцлер бұл мәселеде Украинамен арнайы келісім жасалғанын айтты
Канцлер Олаф Шольц Украинаның Ресей аумағына Германия берген қарумен шабуыл жасауына қарсылық білдірді. Бұл туралы Sarbaz.kz тілшісі Bild басылымына сілтеме жасап хабарлайды.
Берлинде өтіп жатқан «Азаматтық диалог» іс-шарасы барысында Германия канцлері Олаф Шольц Украинаның Батыс елдері берген қару-жарақты қолдана алатын аймақты кеңейтуге еш негіз жоқ екенін айтты.
«Украинамен келісім бойынша Германия қаруын жеткізудің нақты ережелері бар және олар орындалуы тиіс», - деді Шольц.
Канцлер оның мақсаты ірі соғыстың басталуына жол бермеу екенін атап өтті. Айтуынша Украинаның өзін-өзі қорғауы үшін неміс қаруын жеткізу соғыстың өршуіне, Ресей мен НАТО арасындағы соғыстың алдын алуға әсер етеді.
Осыған дейін НАТО-ның бас хатшысы Йенс Столтенберг альянс мүшелерін Украинаның Ресейдегі әскери нысандарға шабуыл жасау үшін берілген қаруды пайдалануға тыйым салу тәртібін алып тастауға шақырған.
