Бұл техника әуеде 12-ден 24 сағатқа дейін ұша алады
Түркияның Baykar компаниясы Польшаға Bayraktar TB2 ұшқышсыз ұшақтарының соңғы партиясын жеткізді, деп хабарлайды Sarbaz.kz тілшісі Defence News-ке сілтеме жасап.
2021 жылдың мамыр айында Польша ұшқышсыз ұшақтар мен тиісті жабдықтарды жеткізу туралы келісімшартқа қол қойды. Құжатта әрқайсысында алты ұшқышсыз ұшақ пен үш жерүсті басқару станциясын қамтитын төрт жүйені жеткізу қарастырылған.
Baykar алғаш рет 2022 жылдың қазан айында алты BayraktarTB2 қондырғысын жеткізді.
16 мамырда компания Польшада өткен іс-шара барысында 24-ші TB2 тиеуді аяқтады. Шараға Польша қорғаныс министрінің орынбасары, Түркия қорғаныс өнеркәсібі агенттігінің басшысы және Baykar компаниясының бас директоры қатысты.
«Біздің компания ең соңғы Bayraktar TB2 UAV жүйесін Польшаға жеткізді. Осылайша, Түркия тарихында алғаш рет НАТО мен ЕО-ға мүше елге жоғары технологиялық ұшқышсыз ұшақтарды экспорттауды сәтті аяқтадық», - деп жазды компания басшысы Халук Байрактар X әлеуметтік желісінде.
Bayraktar TB2 – қозғалтқышы және итергіш типті әуе винті бар жедел-тактикалық орташа биіктіктегі ұшқыш ұшатын техника. Аспалы 4 басқарылатын оқ-дәрісі бар Bayraktar TB2 әуеде 12-ден 24 сағатқа дейін ұша алады. Басқарудың максималды қашықтығы – 150 км. 2020 жылғы екінші Қарабақ соғысы кезінде және Ресейдің Украинаға басып кіруінің бастапқы кезеңінде кеңінен танымал болды.
