Ол Украинаға іссапармен барды
АҚШ-тың мемхатшысы Энтони Блинкен соғыс алаңындағы жағдайды өзгерту үшін Украинаға көбірек көмек көрсетуге уәде берді. Бұл туралы Sarbaz.kz тілшісі Euronews агенттігіне сілтеме жасап хабарлайды.
АҚШ-тың мемлекеттік хатшысы Энтони Блинкен сейсенбі күні Киевке алдын ала хабарланбаған сапармен келді, бұл туралы өзі X әлеуметтік желісінде хабарлады.
«Бүгін мен Киевке Ресей агрессиясынан қорғанып жатқан Украинаны қолдайтынымызды көрсету үшін келдім», - деп жазды.
Бұл АҚШ Конгресі 61 миллиард долларлық әскери көмек пакетін қабылдағаннан кейін мұндай дәрежедегі шенеуніктің Украинаға бірінші сапары.
Бұл сапар Ресей әскерінің Харьков жеріндегі күшейген шабуылы аясында өтіп жатыр, әрі Украина үшін қиын сәтте АҚШ-тың ынтымақтастығын көрсетуге бағытталған.
Сапар барысында Блинкен президент Владимир Зеленскиймен кездесіп, соғыс алаңындағы жағдайды өзгерту үшін Украинаға көбірек көмек көрсетуге уәде берді.
«Біз бәріміз сіздің асқан төзімділігіңізге, шыдамдылығыңызға, күшіңізге және көшбасшылығыңызға тәнтіміз. Біз қазір қиын сәт екенін білеміз. Бірақ көмек келе жатқанын, кейбірі әлдеқашан келгенін, ал енді бірі жолда келе жатқанын айтқымыз келеді. Бұл ұрыс даласындағы ресейлік агрессиямен күресте өзгеріс әкеледі», - деді АҚШ-тың мемлекеттік департаментінің басшысы.
Ресей әскері Волчанск маңында және Глубокое ауылында алға ұмтылып, Лукьянцы ауылын да басып алды.
