Ол Қуандық Бишімбаевтың қылмысын жасырғаны үшін кінәлі болды
Астанада Салтанат Нүкенованың өлімін жасырды деп айыпталған Қуандық Бишімбаевтың туысы Бақытжан Байжановқа қатысты сот үкімі шықты, деп хабарлайды Sarbaz.kz.
Прокурорлар Байжановқа Қылмыстық кодекстің 432-бабы – «Қылмысты жасыру» бойынша айып тақты. Ол 6 мың АЕК-ке дейін (2024 жылы 22,1 млн теңге) айыппұл салу немесе 6 жылға дейін бас бостандығынан айыру немесе бас бостандығын шектеу түріндегі жазаны қарастырады.
Алқабилер Бақытжан Байжановты ағасы Қуандық Бишімбаевтың қылмысын жасырғаны үшін кінәлі деп тапты. Сот Байжановты 4 жылға бас бостандығынан айырды.
Айта кетейік, ол 9 қараша күні видеокамераларға түсірілген оқиғаны өшіру туралы бұйрық бергенін мойындады, бірақ ауыр қылмыс жасалғанын білмегенін баса айтты.
