Алматы облысында полицейлерден жасырынған жүк көлігі аялдамада тұрған адамдарды басып өлтірді, деп хабарлады облыстық полиция департаментінің баспасөз қызметі.
Алматы-Жетіген тас жолының 32 шақырымында жүк көлігін басқарған 49 жастағы ер адам жылдамдықпен автобус аялдамасына кіріп кеткен. Оқиға салдарынан екі адам қайтыс болды, үш адам түрлі жарақаттармен облыстық ауруханаға жатқызылды, – делінген хабарламада.
12 мамырға қараған түні полиция қызметкерлері ЗИЛ-131 жүк көлігін тексеру үшін тоқтатпақ болғанда, ол қашып кетпек болған.
Медициналық куәландыру қорытындысы бойынша құқық бұзушы көлікті орташа дәрежедегі мас күйінде басқарған, – делінген хабарламада.
Оқиғаға қатысты қылмыстық іс қозғалғаны атап өтілді.
