Зеленский: Путиннің тоқтайтын ниеті жоқ, ал Украина көмекке мұқтаж

Украина президенті Владимир Зеленскийдің айтуынша, Ресей басшысы Владимир Путиннің жуырда тоқтайтын ниеті жоқ. Украина өзі үшін және Еуропа үшін күресіп жатыр, сондықтан халықаралық қолдау қажет, деді Владимир Зеленский Еуропарламент президенті Роберта Метсоламен келіссөздерден кейінгі бірлескен баспасөз мәслихатында. Бұл туралы Sarbaz.kz тілшісі BBC агенттігіне сілтеме жасап хабарлайды.

«Біз Украинаны қорғауымыз керек. Бұл – біздің болашағымыз, тәуелсіздігіміз. Путиннің тоқтайтын ниеті жоқ. Ол ақпараттық аквариумда, айналасындағы арнайы қызметтері жасаған әлемде тұрады», - деді Владимир Зеленский.

Зеленский кейде түрлі елдердің өкілдері санкциялардың соншалықты күшті емес екеніне шағымданатынын айтты.

«Олар қалай құтылудың форматын табады. Олар тіпті (Путиннің) инаугурациясына барды», - деді Зеленский.

Украина президентінің айтуынша, Ресейдің биылғы шабуыл жоспарына тосқауыл қою үшін Киев уақытылы қорғаныс көмегіне мұқтаж.

Зеленский маусым айының ортасында Швейцарияда жоспарланған Украинадағы бітімгершілікті реттеу бойынша бірінші жаһандық саммитті атап өтіп, елдерді осы мәселеде өз ұстанымдарын нақты білдіруге шақырды.

«Бұл – Украина үшін, бүкіл Еуропа үшін және қазір Украина бастан кешіп жатқан соққыларға ұшырауы мүмкін әрбір халық үшін әділетті бейбітшілікті қалпына келтіруге және кепілдендіруге нақты мүмкіндік болатын және болуы керек саммит. Міне, сондықтан да бейбіт саммит маңызды, ал Путин оны бұзуға тырысады әрі соған ұмтылады. Ол майдандағы қысымды күшейтуге тырысады, жаңа шабуыл әрекеттерін алға тартады және саясаттағы әртүрлі айла-шарғыларға барады», - деді Владимир Зеленский.

Зеленский мен Метсоланың баспасөз мәслихаты Киев үстінде әуе шабуылының сиреналары естілгеннен кейін үзілді.