Бұл шығын алдағы уақытта әлі де артуы мүмкін
Украинаның энергетика министрі Герман Галущенко Ресейдің соңғы айларда Украинаның энергетикалық инфрақұрылымына жасаған жаппай шабуылының салдары туралы түсініктеме берді. Бұл туралы Sarbaz.kz тілшісі BBC агенттігіне сілтеме жасап хабарлайды.
«Бүгін біз миллиард доллардан астам шығын туралы айтып отырмыз. Бірақ шабуылдар жалғасып жатыр, шығын мөлшерінің артатыны анық», - деді Галущенко.
Министрдің айтуынша, жаппай шабуылдардың салдарынан жылу және су электр генерациялау нысандары, сондай-ақ электр энергиясын жеткізу жүйелері үлкен шығынға ұшырады. Сонымен бірге әртүрлі энергетикалық нысандарға дрондармен, баллистикалық немесе артиллериямен күнделікті шабуылдар жалғасуда, деп атап өтті Галущенко.
«Бүгінгі күні жүйе тұрақты, бірақ жағдай өте күрделі», - деген министр ауа райының жылы болуы жағдайға көмектесіп жатқанын атап өтті.
Сонымен қатар, кейбір аймақтарда, атап айтқанда, қақтығыс болып жатқан Харьковте электр қуатына шектеулер енгізілген.
Украиналық энергетиктер Ресейдің баллистикалық зымыран шабуылдарынан Украинаның энергетикалық жүйесінің жартысына зақым келтіргенін хабарлады.
«Укрэнерго» басқармасының төрағасы Владимир Кудрицкий жылу және су электр стансаларының айтарлықтай зақымдалуына байланысты Украинаның энергетика жүйесінде электр қуатының тапшылығы бірнеше ай бойы сезілетінін атап өтті.
