Колумбия президенті Израильдің Газадағы әрекетін «геноцид» деп атады
Колумбия президенті Густаво Петро Палестинадағы жағдайға байланысты Израильмен дипломатиялық қарым-қатынастарын үзетінін мәлімдеді. Бұл туралы Sarbaz.kz тілші AP агенттігіне сілтеме жасап хабарлайды.
Густаво Петро Израильдің Газадағы әрекетін «геноцид» деп атады. Ол бұған дейін Израильден қару сатып алуды тоқтатып, елдің Газадағы әрекеттерін нацистік Германияның әрекеттерімен салыстырған.
«Израильмен дипломатиялық қарым-қатынастар геноцид президенттің кесірінен үзіледі. Егер Палестина өлсе, адамзат та өледі, ал біз оның өлуіне жол бермейміз», - деді Густаво Петро Колумбия астанасында Халықаралық жұмысшылар күніне арналған шеруде.
Израильдің сыртқы істер министрі Исраэль Катц X желісінде пікір жазып, Густаво Петроның шешімін айыптады.
«Тарих Густаво Петроның сәбилерді өртеген, балаларды өлтірген, әйелдерді зорлаған және жазықсыз бейбіт тұрғындарды ұрлаған, адамзатқа жауыз әрекеттерді таңдағанын ұмытпайды», - деді ол.
