ХАМАС қазір Израильдің жаңа ұсынысын қарастырып отыр
Германияның сыртқы істер министрі ХАМАС-тың Израильге қарсы соғысты тоқтатуға құлқы жоқ деп мәлімдеді. Бұл туралы Sarbaz.kz тілшісі Bild басылымына сілтеме жасап хабарлайды.
Германияның сыртқы істер министрі Анналена Бербок ХАМАС «Палестина халқының атынан сөйлемейді» және «өзін олардың қайғысын жеңілдетуге міндетті емес деп санайды» деді.
«Соңғы айларда ХАМАС соғысты ұзартуды көздеп отырғанын жиі көрдік», - деді Бербок. Сондай-ақ ол Газа секторында тұтқынға алынған израильдіктердің босатылуы тек ХАМАС-қа байланысты екенін атап өтті.
ХАМАС қазір атысты тоқтату және кепілге алынғандарды босату туралы Израильдің жаңа ұсынысын қарастырып отыр. АҚШ ұйым басшылығын бұл ұсыныспен келісуге шақырды.
