Еуропалық комиссия 2024 жылы мұқтаж палестиналықтарға берілетін қаржылық қолдаудың жалпы көлемін 193 миллион еуроға дейін арттырды
Еуропалық Одақ Газа секторының мұқтаж азаматтарына тағы 68 миллион еуро гуманитарлық көмек беретін болды, деп хабарлайды dw.com сайты.
Газа секторындағы ауыр гуманитарлық дағдарыстың одан әрі нашарлауына және адамдар қажеттіліктердің артуына байланысты Еуропалық комиссия палестиналықтарға қаржылық қолдауын арттыруда, - делінген баспасөз хабарламасында.
Көмек аймақтағы палестиналықтарға қолдау көрсетіп отырған «әріптес ұйымдар» арқылы беріледі.
Бұл әрекет шұғыл қажетті азық-түлік көмегін, денсаулық сақтауды, су мен санитарияны және тұрғын үйді қолдауды кеңейтуге бағытталған, – деді Брюссель.
Осылайша, 2024 жылы Газа секторында мұқтаж палестиналықтарға Еуроодақтың гуманитарлық көмегінің жалпы көлемі 193 миллион еуроға жетті.
Аймақта 6 айдан астам уақыт бойы жалғасып келе жатқан әскери операциялар Израиль армиясының бомбалау және жердегі операциялары кезінде Газа секторының айтарлықтай қирауына әкелді.
ЕО мәліметінше, қазір аймақтағы 2 миллионға жуық бейбіт тұрғын гуманитарлық көмекке тәуелді.
