Кем дегенде 300 танк пен жауынгерлік техника, 14 жауынгерлік ұшақ, т.б. берген
Польша үкіметі Украинадағы ауқымды соғыс басталғаннан бері бұл Киевке шамамен 8,4 миллиард еуроға тең әскери қолдау көрсеткенін мәлімдеді. Украинаға барлығы 44 қару-жарақ пакеті жіберілді, деді парламентте сөйлеген сөзінде сыртқы істер министрі Радослав Сикорски. Бұл туралы Sarbaz.kz тілшісі Bild басылымына сілтеме жасап хабарлайды.
Әскери сарапшылардың мәліметінше, Польша Украинаға кем дегенде 300 танк пен жауынгерлік техника, 14 жауынгерлік ұшақ, тікұшақ, зениттік кешен мен оқ-дәрілер берген.
Сонымен бірге Кильдегі Әлемдік экономика институты (IfW) ЕО елдері Украинаға әскери көмек көрсетуде АҚШ-тан оза алмайды деген зерттеу жариялады. Сарапшылардың болжамы бойынша, жыл соңына дейін Еуроодақтың барлық елдері Украинаға бірлесіп 42 миллиард еуро, ал АҚШ 43,1 миллиард еуро бөледі.
Ukraine Support Tracker жобасының жетекшісі Кристоф Требештің айтуынша, соңғы айларда Еуропа АҚШ-ты қуып жетіп, қазір әскери көмек көрсетуде бір деңгейде келді. Алайда, сонымен бірге, ЕО елдері өндірістік қуаттылықты өте баяу арттырып жатыр және оқ-дәрілер бойынша Америка Құрама Штаттарымен үлкен айырмашылық бар.
