Польша Беларусьпен де, Ресеймен де шектеседі
Польшаның СІМ басшысы Ресей НАТО-ғо шабуыл жасайтын болса, жоспары сәтсіз аяқталатынын мәлім етті. Сондай-ақ, Польша ол Солтүстік атлантикалық келісім ұйымына қорғаныс шебін бекемдеуге кеңес берді. Бұл туралы Sarbaz.kz тілшісі Euronews агенттігіне сілтеме жасап хабарлайды.
Польша Сыртқы істер министрі Радек Сикорский парламентте сөз сөйледі. Ол Украинада соғыс жүріп жатқан қиын сәтте үкіметтің ұстанымына, бағыт-бағдарына қатысты пікір білдірді.
Ресей тарапынан қауіп төнген шақта Еуропадағы ықпалын байқатуға ұмтылған Польшаның премьер-министрі Дональд Тусктың басым бағыттарын атап өтті.
Сикорскийдің сөзі әлемдік аудитория мен геосаяси шиеленіс шекарасында орналасқан 38 миллион халқы бар мемлекеттің халқына арналған. Польша – НАТО мен Еуропа Одағының мүшесі, бұл ел Украинамен ғана емес Беларусьпен де, Ресеймен де шектеседі. Ал Батыс елдерінің Украинаға әскери көмегі Польша жерін басып өтеді.
«Біз сондай-ақ Еуропа Одағының жедел әрекет ету күшін құруды қолдаймыз, олардың бірінші легі 2025 жылға қарай толығымен дайын болады. Бес-он мың сарбазы бар бұл «еуропалық легион» мүше мемлекеттердің азаматтарынан, нақтысы еріктілермен жасақталып, ЕО бюджеті сияқты шарттармен қаржыландырылуы тиіс». – деді Польша СІМ басшысы Радек Сикорский.
Польшаның сыртқы істер министрі Туск үкіметі заң мен халықаралық қатынастарға басымдық бере отырып, «Заң мен әділдік» консервативтік партиясын алмастыруындағы маңыздылығына тоқталды.
