Қарағанды облысында ҰОС ардагерлеріне 2 млн теңгеден беріледі

Облыста Ұлы Отан соғысының 12 ардагері тұрады

Sarbaz.kz редакторы
25/04/2024 - 12:16

Фото: Қорғаныс министрлігі

Фото: Қорғаныс министрлігі

Жеңіс күнінің 79 жылдығына орай Қарағанды ​​облысында Екінші дүниежүзілік соғыстың қатысушылары мен мүгедектеріне екі миллион теңгеден жәрдемақы төленеді, деп хабарлайды Sarbaz.kz.

Облыста Ұлы Отан соғысының 12 ардагері тұрады: Ұлы Отан соғысының 10 қатысушысы, Ұлы Отан соғысының 2 мүгедегі. Сондай-ақ жәрдемақы бойынша оларға 3219 адам теңестірілген.

«Олардың ішінде Ленинград қоршауынан аман қалған 10 адам, концлагерьдің 34 тұтқыны, Ұлы Отан соғысына қатысушылардың әйелдері мен Ұлы Отан соғысының мүгедектері (135), сондай-ақ 3040 тыл еңбеккері бар», - делінген хабарламада.

Оларға біржолғы қаржылық төлем мына мөлшерде беріледі:

  • концлагерь тұтқындарына – әрқайсысына 200 мың теңге;
  • қоршауда қалған Ленинград тұрғындарына – әрқайсысына 200 мың теңге;
  • Екінші дүниежүзілік соғыс кезінде қаза тапқан (қайтыс болған) адамдардың жесірлері мен әйелдеріне – әрқайсысына 50 мың теңге;
  • «Ұлы Отан соғысы жылдарындағы жанқиярлық еңбегі үшін» медалімен марапатталған тыл еңбеккерлеріне – әрқайсысына 100 мың теңге;
  • 1941 жылғы 22 маусымнан 1945 жылғы 9 мамырға дейін кемінде алты ай жұмыс істеген (қызмет еткен) және бұрынғы КСРО-ның ордендерімен және медальдарымен марапатталмаған адамдарға – әрқайсысына 100 мың теңге.

Жалпы, Жеңіс күнін мерекелеу қарсаңында Қарағанды ​​облысының қалалары мен аудандарының бюджетінен жалпы сомасы 343,6 млн теңгеге 3231 азаматқа төлем жасалады.

×

Редакция

$ 443.16  480.39  4.94