Еуроодақ та Иранға қарсы жаңа санкциялар енгізетінін мәлімдеді
Иранның Израильге жаппай шабуылынан кейін АҚШ пен Ұлыбритания Иранға жаңа санкциялар енгізді. Атап айтқанда, олар ирандық ұшқышсыз ұшу бағдарламасына, сондай-ақ металлургия және автомобиль өнеркәсібіне әсер етеді. Бұл туралы Sarbaz.kz тілшісі Bild басылымына сілтеме жасап хабарлайды.
«Жаңа шаралар арқылы біз Иранды жауапкершілікке тартамыз», - деді АҚШ президенті Джо Байден.
Иранның шабуылынан кейін Израиль Сыртқы істер министрі Исраэль Кац өзге ондаған үкіметтермен бірге Тегеранға қарсы «дипломатиялық шабуылға» жетекшілік ететінін айтты. Бұған қоса, ол Иранға қарсы санкциялық қысымды кеңейтуге шақырды.
«Кеш болмай тұрғанда Иранды тоқтату керек», - деді Кац.
Еуроодақ та Иранға қарсы жаңа санкциялар енгізетінін мәлімдеді, бірақ әлі түпкілікті шешім қабылдаған жоқ.
