Алаяқтар кейде шынайы жарнамаларды жариялайды, бірақ шот нөмірін өзгертіп көрсетеді
Интернет алаяқтар су тасқыны кезінде түрлі айла-шарғыларға баруы мүмкін. Алаяқтық әрекеттер Қазақстанда да тіркелді, деп мәлімдеді Ішкі істер министрлігі, деп хабарлайды Sarbaz.kz.
Ұсыныстар:
Интернетте қаражат жинау туралы жарнамаларды көргенде, жан-жақты тексеру жүргізіңіз. Мысалы, хабарландыруда көрсетілген телефон нөміріне қоңырау шалуға болады. Телефон нөмірлерін ақша аудару үшін көрсетілген нөмірлермен салыстырыңыз.
Алаяқтар кейде шынайы жарнамаларды жариялайды, бірақ жиналған қаражат олардың қолына түсуі үшін шот нөмірін өзгертіп көрсетеді.
Видеоқоңырау арқылы тексеруге болады. Әдетте алаяқ өзінің шынайы түр-әлпетін көрсеткісі келмейді.
Полицейлер тұрғындарға сақ болуға және кез келген қаржылық ақпаратты мұқият тексеруге кеңес береді.
«Тасқыннан зардап шеккендер өтемақы туралы ақпаратқа сенуі мүмкін. Оны алу үшін өзіңіздің жеке және қаржылық деректеріңізді ұсынуды талап етеді. Мұндай қадамға ешқашан бармаңыз. Ұйымдардың ресми ресурстарындағы ақпараттарды тексеруді ұмытпаңыз. SMS-хабарлама арқылы алынған кодтарды ешкімге айтпаңыз», - деп хабарлайды ІІМ.
