Қару-жарақ өткен жылдың желтоқсан айында тәркіленген
АҚШ Орталық қолбасшылығы Ираннан Йеменге тасымалдау әрекеті кезінде тәркіленген қару-жарақ пен оқ-дәрілерді Украинаға тапсырғанын мәлімдеді, деп хабарлайды Sarbaz.kz.
Белгілі болғандай, Украинаға 5 мыңнан астам Калашников автоматы, пулемет, снайперлік мылтық, РПГ-7 танкке қарсы гранатомет және 7,62 мм калибрлі 500 мыңнан астам патрон тапсырылған. Бұл Украина армиясының бір бригадасын жарақтандыруға жеткілікті, деді CENTCOM.
Қаруды АҚШ әскері мен оның серіктестері 2021 жылдың 22 мамыры мен 2023 жылдың 15 ақпаны аралығында Ираннан Йеменге бара жатқан Араб теңізінде жалаусыз жүзіп келе жатқан төрт түрлі кемеден тәркілеген. Ирандағы IRGC жүктері БҰҰ Қауіпсіздік Кеңесінің қарарын бұза отырып, Йемендік хуситтерге жөнелтілуі керек еді. Өткен жылдың желтоқсан айында АҚШ билігі тәркіленген қару-жарақ пен оқ-дәрілерді өздерінің меншігі деп жариялады.
