Bau мейрамханасына жедел жәрдем келген кезде Нүкенованы құтқару мүмкін болмаған
Медициналық сарапшы Тахир Халимназаров Нүкенованың жарақаттарын жеке қарастыруға болмайды деп санайды. Жарақаттың барлығы қызды өлімге жеткізген, деп хабарлайды Sarbaz.kz.
«Бұл басына қасақана жасалған соққы. Мұндай бас жарақатын адамның өз бетінше алуы мүмкін емес. Себебі тіпті кездейсоқ құлаған кезде де егер ол есін біліп тұрса, рефлексивті түрде басын қорғайды. Адам биіктіктен, шатқалдан құлаған кезде сондай жарақат болуы мүмкін. Бірақ тегіс жерде тұрып құлаған адам басына мұндай зақым ала алмайды», - деді Тахир Халимназаров.
Сот сарапшысы сотта Салтанат Нүкенованың миындағы субдуральды гематоманың мөлшері 230 грамм болғанын, сооның өлімге әкеп соғуына себеп болғанын айтты. Сарапшының айтуынша, Бишімбаев оны жұдырығымен немесе алақанымен ұрғаны маңызды емес. Бұл жағдайда соққы жасаған адамның салмағы рөл атқарады. Салмағы жүз келі болатын ер адам алақанымен де ауыр жарақат беруі мүмкін. Сондай-ақ ол Бишімбаев пен Байжанов жасауға тырысқан жасанды тыныс алудың пайдасыздығын атап өтті. Bau мейрамханасына жедел жәрдем келген кезде Нүкенованы құтқару мүмкін болмаған.
