Аймақта табиғи сипаттағы төтенше жағдай жарияланды
Атырау облысының аумағында табиғи сипаттағы төтенше жағдай жарияланды, деп хабарлайды Sarbaz.kz Атырау облысы әкімдігіне сілтеме жасап.
Табиғи сипаттағы төтенше жағдай жариялау туралы шешімге Атырау облысының әкімі Серік Шапкенов бүгін, 2024 жылғы 7 сәуірде қол қойды, – деп хабарлайды Атырау облысының жедел штабы.
Айта кетейік, қазірге дейін Қызылқоға ауданындағы Миялы, Аққора, Жангелдин, Жасқайрат және Көздіқара ауылдарында қауіп-қатер сейілді.
Ақтөбе облысы Ойыл ауданы жағынан Жем өзені деңгейінің көтерілуіне байланысты Жылыой ауданы Құлсары қаласын су басқан.
Облыс бойынша 28 551 адам эвакуацияланды.
Өңірде келетін су азайту көлемін азайту үшін Жем өзенінің сағасы үш жағынан қазылды, сондай-ақ Жем өзенінің бойында орналасқан жасанды бөгеттер бұзылды.
Бұл өзен арнасының бағытын өзгертуге және судың кедергісіз ағуын қамтамасыз етуге, оның Каспий теңізіне қарай өткізу қабілетін ұлғайтуға және су тасқыны қаупін азайтуға мүмкіндік береді.
Өз кезегінде тұрғындар мен волонтерлер тұрғын үй секторын су басуына жол бермеу бойынша жұмыстар жүргізіп жатыр.
