НАТО-ның 75 жылдығына арналған кездесуде осы мәселе талқыланды
НАТО-ның Бас хатшысы Йенс Столенберг Украинаға әскери жүктерді міндетті түрде жеткізуге шақырды. Бұл туралы ол альянстың құрылғанына 75 жыл толуына арналған кездесуде мәлім етті, деп хабарлайды Sarbaz.kz тілшісі Euronews агенттігіне сілтеме жасап.
Украинадағы соғыс НАТО-ға мүше елдердің сыртқы істер министрлерінің 75 жылдыққа орай кездесуінде басты тақырыбына айналды. Олар қазіргі арнайы қайырымдылық жүйесінің орнына Киевке неғұрлым болжамды және тұрақты әскери және қаржылық қолдау көрсетуді қарастыруда.
НАТО мүшелері арасында қорғаныс шығындарының көлеміне қатысты кейбір келіспеушіліктер бар. Варшава барлық серіктестерден ұлттық ЖІӨ 2% деңгейіндегі міндеттемелерді орындауды талап етеді.
«Менің ойымша, Польша қазір ішкі жалпы өнімнің ең көп бөлігін қорғанысқа жұмсайтын ел, бұл басқаларға ой салады деп үміттенемін. Мен украиналық әріптестерімізден майдандағы проблемалар туралы хабар күтемін. Польша да Украинаға көмек көрсетуді оңтайландыру үшін НАТО миссиясын құруды қолдайды», - деді Польшаның сыртқы істер министрі Радослав Сикорски.
Бұл тарихи кездесудегі бірлік бұрынғыдан бекем болғанымен, АҚШ-та Дональд Трамп әкімшілігінің билікке келуі ықтимал. Бұрынғы президент қараша айында өтетін сайлауда жеңіске жететін болса, Украинаға көмек көрсетуден бас тартуы немесе айтарлықтай азайтуы мүмкін екенін меңзеген.
