Экология кодексінің талаптарын сақтамау салдарынан өрескел бұзушылықтар анықталды
Солтүстік Қазақстан облысының прокурорлары қатты тұрмыстық қалдықтармен жұмыс істеуде бұзушылықтар анықтады. Бұл туралы Sarbaz.kz облыстық прокуратураның баспасөз қызметіне сілтеме жасап хабарлайды.
Талдау Қазақстан Республикасының Экологиялық кодексінің талаптарын сақтамау салдарынан өрескел бұзушылықтарды анықтады.
Жергілікті атқарушы органдардың лауазымды тұлғалары Кодекстің 365-бабының 4-тармағын бұза отырып, облыста коммуналдық қалдықтарды басқару бағдарламасын бекітпеген.
Аудан әкімдіктері Кодекс талаптарына қайшы, қатты тұрмыстық қалдықтарды жинау, тасымалдау, сұрыптау және кәдеге жарату бойынша халыққа арналған тарифтерді әлі бекіткен жоқ.
«Облыстың барлық ауданында Кодекс талаптарын бұза отырып, уәкілетті орган коммуналдық қалдықтарды қалыптастыру және жинақтау нормаларын есептеу қағидаларын қабылдамаған, ал әкімдіктердің жауапты тұлғалары қатты тұрмыстық қалдықтарды бөлек жинау жұмыстарын ұйымдастырмаған.
Аққайың, Мамлют, Қызылжар аудандарында рұқсат етілмеген (апатты) 10-нан астам полигон анықталды.
Прокурорлық қадағалау актісі бойынша лауазымды тұлғалар заңда белгіленген жауапкершілікке тартылып, апаттық полигондар жойылды, сондай-ақ облыс әкімдігімен коммуналдық қалдықтарды қалыптастыру және жинақтау нормалары, тарифтер мен бағдарламаларды әзірлеу бойынша Жол картасы бекітілді», - делінген прокуратура хабарламасында.
