Аягөз өзенінде су деңгейі көтерілді
Аягөз ауданында су тасқынына байланысты төтенше жағдай жарияланды. Бұл туралы Sarbaz.kz ҚР ТЖМ баспасөз қызметіне сілтеме жасап хабарлайды.
Ведомство мәліметінше, Аягөз ауданында жергілікті маңызы бар «Аягөз-Бозай» автожолының 20 шақырымында Аягөз өзеніндегі су деңгейінің көтерілуіне байланысты көпірдің жол төсемі шайылып кетті.
«Қазіргі уақытта көпір арқылы көлік қатынасы жоқ. ПД қызметкерлері шектеу белгілерін қойып, кезекшілік ұйымдастырды.
Халықты Аягөз өзені арқылы өткізуді жүзеге асыру үшін ТЖД қызметкерлері жіберілді», - делінген министрлік хабарламасында.
Аягөз ауданының әкімдігі жергілікті ауқымдағы төтенше жағдай жариялады.
