Ол алимент төлеу бойынша өз міндеттерін қасақана орындамаған
Алматыда алимент бойынша борышкер қылмыстық жауапкершілікке тартылды. Бұл туралы Sarbaz.kz қалалық прокуратураның баспасөз қызметіне сілтеме жасап хабарлайды.
Атқарушылық іс жүргізуді қадағалау шеңберінде, кәмелетке толмағанның құқықтарын қорғау мақсатында Наурызбай ауданы прокуратурасы ҚР ҚК 139-бабы бойынша қылмыстық іс тіркеді, яғни балаларын күтіп-бағуға арналған қаражатты төлеу жөніндегі міндеттерді орындамау.
«Сот талқылауы барасында сотталушының кінәсі дәлелденді, сонымен қатар борышкердің үш айдан астам уақыт бойы алименттерді төлеу бойынша өз міндеттерін қасақана орындамағаны, төлемнен жалтарту мақсатында тікелей ниетімен өзінің нақты табысын саналы түрде жасырғаны, осыған байланысты екі миллион теңгеден астам берешек пайда болғаны анықталды.
11.03.2024 жылы Алматы қаласының кәмелетке толмағандар жөніндегі мамандандырылған ауданаралық сотының үкімімен сотталушы О.Е.Ю. ҚР ҚК 139-бабында көзделген қылмыстық құқық бұзушылық жасағаны үшін кінәлі деп танылды. Кінәліге қатысты 1 жыл бас бостандығынан шектеу бүкіл кезеңге пробациялық бақылау тағайындаумен, жылына 100 сағат мәжбүрлі еңбек түріндегі жазалау шараласы қолданылды (шешім заңды күшіне енген жоқ).
