Сенім, бедел және қателік: АҚШ Израильге тағы да ескерту жасады

Газадағы соғыстың кесірінен Израильдің беделі ондаған жылдар бойы зардап шегуі мүмкін, деп санайды АҚШ Мемлекеттік департаменті

Админ
25/03/2024 - 16:20

Amir Cohen / Reuters

Amir Cohen / Reuters

АҚШ президентінің әкімшілігі Газа секторындағы соғыстың салдарынан Израильдің дүниежүзі бойынша беделіне нұқсан келіп, Израильдің осыншалықты «ірі стратегиялық қателігіне» алаңдаулы. Бұл туралы NPR құпия меморандумға сілтеме жасай отырып жазады.

АҚШ Мемлекеттік хатшысының көмекшісі Билл Руссо 13 наурызда Израиль Сыртқы істер министрлігімен телефон арқылы сөйлескен кезде Израиль армиясының «дұрыс емес» шабуылының нәтижесінде АҚШ пен Израиль «ауыр сенім мәселесіне» тап болғанын айтты. Оның пікірінше, Израильдің беделіне ұзақ уақытқа сызат түсті.

Меморандумда Израиль шенеуніктеріне бұл мәселе бойынша «жоғары деңгейде» қысым көрсету ұсынылады.

Құжатта айтылғандай, израильдік сұхбаттасушы Мемлекеттік департаменттің уәждерін жоққа шығарып, Израильдің АҚШ пен Еуропадағы «үнсіз көпшілік» курсымен келіскенін жариялады. Сондай-ақ TikTok алгоритмін Палестинаны қолдап, Израильге қарсы контент насихаттады деп айыптады.

Израиль жақын арада араб елдеріне бағытталған «Хамас содырларының зұлымдықтарын» жоққа шығаратындармен күресу үшін өзінің бұқаралық ақпарат құралдарында кампаниясын бастауды жоспарлап отыр, делінген құжатта.

Гуманитарлық жағдай адам төзгісіз – бұл адамзат санасы үшін у. Қазіргі заманда мұндай нәрсе болуы мүмкін емес. Бұл гуманитарлық жағдай бізді израильдіктермен ашық қақтығысқа итермеледі, – деді Ақ үйдің кеңесшісі Washington Post газетіне.

NBC арнасының дереккөздеріне сәйкес, Байденнің жеке сұхбатта Израиль премьер-министрі Биньямин Нетаньяхуды «ақымақ» деп атаған.

Тегтер

×

Редакция

$ 474.26  514.48  5.43