Сондай-ақ 700-ге жуық басқарылатын бомбалар қолданылған
Украина президенті Владимир Зеленский өткен аптада Ресей әскері Украинаға қарсы 190-ға жуық түрлі типтегі зымырандар мен 140-қа жуық ұшқышсыз ұшақтарды, сондай-ақ 700-ге жуық басқарылатын бомбаларды қолданғанын айтты, деп хабарлайды ВВС сайты.
Біз бұл лаңкестікке толықтай әділ жауабымызды беріп, олар апта сайын, күн сайын жауапты күш бар екенін сезінуі үшін қолдан келгеннің бәрін жасаймыз. Басып алынған аумақта логистиканы бұзып жатқан барлық батырларымызға рахмет. Олар Қырым мен Қара теңізді басқыншыдан тазартып жатыр. Бұл қиын міндет, бірақ біздің жауынгерлер бұл міндеттерді бірте-бірте орындап келеді. Мұны бәрі көріп отыр, – деді Зеленский.
Айта кетейік, кеше түнде Ресей Украинаға соққы жасау үшін 14 стратегиялық бомбалаушы ұшақты пайдаланды.
