Бұл жолы Самара облысындағы екі МӨЗ-ге шабуыл жасады
Дрондар Самара облысындағы екі мұнай өңдеу зауытына шабуыл жасады, екі кәсіпорында да соққылардан кейін өрт басталды, деп хабарлайды dw.com сайты.
Бүгін, 16 наурызда, таңғы 6-да Сызрань мұнай өңдеу зауытына дрондар шабуыл жасады. Оқиғадан салдарынан 500 шаршы метр аумақта өрт шықты.
Дәл сол уақытта бірнеше басқа дрон Новокуйбышев МӨЗ-іне соққы жасады. Онда да өрт басталды, бірақ ол жарты сағаттан кейін сөндірілді.
Сондай-ақ түнде Липецк облысындағы мұнай өңдеу станциясы дрондардың шабуылына ұшырады. Становая станцияның аумағында («Дружба» мұнай құбырының құрамына кіреді) ұшақ түріндегі екі жарылған ұшқышсыз ұшу аппараттарының сынықтары табылды.
Айта кетейік, 12 наурызда Нижний Новгород маңындағы «Лукойл-Нижний Новгороднефтеоргсинтез» МӨЗ-і шабуылға ұшырады. Ол – Ресейдегі бензин профилін мұнай өңдеу бойынша ірі кәсіпорындардың бірі саналады. Сол күні дрон Орел қаласындағы мұнай базасына соғылып, резервуарлардың бірінде өрт басталды.
