Қылмыстық құқық бұзушылық жасаған 43 шетелдік елден шығарылмаған
Алматы облысының прокуратурасы 12 мыңнан астам шетелдіктерді тіркеген 278 үйді анықтады. Бұл туралы Sarbaz.kz тілшісі өңірлік прокуратураның баспасөз қызметіне сілтеме жасап хабарлайды.
Ведомство мәліметінше, бұл үйлердің ішінде тұрғын немесе жоқ мекенжайлар болды. Мысалы, Қарасай ауданының Батан ауылындағы үйлердің бірінде 300-ден астам шетелдік азамат тіркелген.
«Осы фактілер бойынша ҚР ҚК 394-бабы (заңсыз көші-қонды ұйымдастыру) бойынша қылмыстық іс қозғалды. Сондай-ақ, мемлекеттік қазынаға үш мың заңсыз көшіп келушілердің 79 млн теңге салық төлемеу фактілері анықталды, олар бойынша өндіріп алу жұмыстары жүргізілуде.
Сонымен қатар, сот шешімі бойынша елден шығарылуға жататын 29 заңсыз көшіп келуші және қылмыстық құқық бұзушылық жасаған 43 заңсыз көшіп келуші шығарылмаған.
Жалпы, тексеру аясында Алматы облысының прокуратурасы көші-қон заңнамасын 600-ден астам бұзушылықты анықтап, 17 көші-қон полиция қызметкері тәртіптік жауапкершілікке тартылды», - делінген прокуратура хабарламасында.
Прокурорлар аталмыш заңбұзушылықтарды жою бойынша жұмыс жүргізіп жатыр.
