Ол 6 айда 342,8 млн теңге көлемінде аса ірі мөлшерде заңсыз табыс алған
Елордада криптовалютаны заңсыз айырбастағаны үшін қала тұрғыны сотталды. Бұл туралы Sarbaz.kz қалалық прокуратураның баспасөз қызметіне сілтеме жасап хабарлайды.
Ведомство мәліметінше, соттың үкімімен криптовалютаны заңсыз айырбастағаны үшін қала тұрғынының мүлкі тәркіленіп, 2 жыл 6 айға бас бостандығынан айыру жазасына сотталды.
«Кінәлі тұлға қамтамасыз етілмеген цифрлық активтер саласында лицензиясыз айырбастау қызметімен айналысып, 6 айдың ішінде 342,8 млн теңге сомасында аса ірі мөлшерде заңсыз табыс алған.
Прокурордың талабымен сотталғаннан заңсыз алынған 342,8 млн теңге сомасындағы табыс мемлекет пайдасына өндірілді. Үкім заңды күшіне енді», - делінген ведомство хабарламасында.
