«Дүкендерінен бізде жоқ тауардың түр-түрін көрдік»
1984-1986 жылдары Ауғанстанның Пули-Хумри қаласы маңындағы КСРО-ның әскери госпиталінде медбике болып қызмет еткен Бақыт Қалиева сол кезде Ауғанстанның қалалары озық болғанын айтты, деп хабарлайды Sarbaz.kz тілшісі.
«Госпитальдан сыртқа шығуға рұқсат болмады. Дегенмен екі жарым жыл ішінде бірер мәрте қалаға шыққан кездеріміз болды. Қаладағы дүкендерге бізге, госпитальға келген әскери көліктермен, күзетпен апаратын. Бірінші жауынгерлер ғимаратқа кіріп, тексеріп шығатын. Егер бәрі тыныш болса, кіретінбіз. Егер бірдеңе дұрыс болмаса, тез-тез көлікке отырып, жүріп кететінбіз. Сонда бір байқағаным, Ауғанстанның қалалары бай, өзгеше болды. Дүкендерінен де нешетүрлі бізде жоқ тауардың түр-түрін көрдім. Мен өзім шағын ғана Целиноград қаласында туып-өскен соң ба, ондағы қалалар басқаша көрінді. Безендірілуі бәрі бөлек болды. Сол кездерде Ауғанстанның қалалары озық болған сияқты. Бірақ кейіннен соғыстан көз ашпай, тоқырауға ұшыраған шығар», - деді Бақыт Қалиева Sarbaz.kz тілшісіне берген сұхбатында.
Сұхбаттың толық нұсқасын осы сілтеме арқылы көре аласыз.
