«Сергей Котов» кемесін жоғалтқаннан кейін ресейлік кемелер Қара теңізге шықпай жүр
Ресей әскери кемелері «Сергей Котов» патрульдік корветінен айырылғаннан кейін бесінші күн қатарынан Қара теңізде жауынгерлік кезекшілікке шықпай кетті, деп хабарлайды dw.com сайты.
Украина Қарулы Күштерінің Бас штабы хабарлағандай, 10 наурыз, жексенбі күні таңертең Қара теңізде Ресей әскери-теңіз күштерінің бірде-бір кемесі болған жоқ.
Сонымен қатар Украина әскери күштерінің мәліметі бойынша, үш ресейлік әскери кеме Жерорта теңізінде, тағы біреуі Азов теңізінде жүр.
Бұған дейін Украинаның оңтүстігіндегі қорғаныс күштері қолбасшылығының баспасөз қызметі Қара теңізде төртінші күні Ресей флотының жауынгерлік кезекшілігі тіркелмегенін, ал зымыран тасығыштар 20 күн қатарынан орналасқан жерінен шықпағанын мәлімдеді.
