Қаза тапқандар мен зардап шеккендердің жасы нақтылап жатыр
Ақтөбе облысында ірі жол апатынан 8 адам қаза болды, деп хабарлайды Sarbaz.kz.
Ақтөбе облысы денсаулық сақтау басқармасының мәліметінше, қайғылы оқиға Ақтөбе-Астрахан тас жолының 120 шақырымында сағат 08:36-да болған. Әлеуметтік желіде таралған ақпаратқа сәйкес, LADA Largus пен Toyota Hilux соқтығысқан.
«Апат салдарынан Lada Largus көлігі өртенді. 8 адам қайтыс болды. Үш науқас Мұғалжар аудандық ауруханасына жеткізілді. Жергілікті жерде 103 жедел жәрдем бригадасы жедел медициналық көмек көрсетті», - деді Ақтөбе облысы Денсаулық сақтау басқармасының басшысы Нұрбол Тымпиев.
Полиция қаза тапқандар мен зардап шеккендердің жасын және басқа деректерін әлі де нақтылап жатыр.
