Ингушетиядағы Қарабұлақ қаласында терроризмге қарсы операция режимі енгізілді
Ингушетияның Қарабұлақ қаласында арнайы операция жалғасуда, онда қауіпсіздік қызметкерлері көпқабатты үйде қамалып отырған содырлармен атысып жатыр, деп хабарлады РИА Новости.
Бұған дейін өңірдің жедел штабы сенбі күні Мәскеу уақытымен сағат 19.30-дан бастап Ингушетиядағы Қарабұлақ қаласының аумағында терроризмге қарсы операция режимі енгізілгенін хабарлады. Операцияны өткізу ауданы Рабочая, Осканов, Набережная және Джабагиев көшелерімен шектелген.
Қазіргі мәлімет бойынша, Ингушетияда қауіпсіздік органдары жедел-іздестіру іс-шараларын жүргізу барысында Қарабұлақ қаласындағы тұрғын үйлердің бірінен Ресейдің Федералды қауіпсіздік қызметінің арнайы күштері террористік бағыттағы резонанстық қылмыстар жасауға ниет білдірген бандиттер тобын тауып, пәтерлерде бұғаттап отыр.
Қарабұлақта арнайы операция жалғасуда, содырларды бейтараптандыру бойынша іс-шаралар жүргізілуде, - деп хабарлады агенттікке сұхбат берген дереккөз.
