Қазір өрттің шығу себебі анықталып жатыр
Ақмола облысы Целиноград ауданына қарасты Нұресіл ауылында өрт болып, бір адам қаза болды. Бұл туралы Sarbaz.kz тілшісі ҚР ТЖМ баспасөз қызметіне сілтеме жасап хабарлайды.
Ведомство мәліметінше, бүгін сағат 08.44-де Целиноград ауданы, Нұресіл ауылындағы аула ғимараттарында 250 ш.м. алаңда өрт болды.
«Оқиға орнына дереу Ақмола облысы ТЖД жеке құрамынан 8 құтқарушы және 2 техника және Астана қаласының ТЖД жеке құрамынан 13 құтқарушы және 4 техника жөнелтілді.
Өрт сағат 10.00-де оқшауланды. Өрт орнында ер адамның денесі табылды. Өрттің шығу себебі анықталып жатыр», - делінген хабарламада.
