Оқиға Ақсай шатқалындағы өзен мен Ақжар құламасында болған
Ақжар құламасынан 3 адамнан тұратын отбасы: күйеуі, әйелі және 14 жастағы жасөспірім адасып кеткені туралы хабар келіп түскен, деп хабарлайды Sarbaz.kz.
Олар үлкен жартас пен қараңғы болғандықтан өздігінен түсе алмайтынын айтты. Республикалық жедел-құтқару жасағының жедел тобы іздестіру орнына барды. Сағат 22.40-та ТЖМ құтқарушылары зардап шеккендерге жетіп, төмен түсіру жұмыстарын бастады. Түн ортасында іздеу-құтқару операциясы аяқталды, зардап шеккендерді көлікке жеткізді, – деп хабарлайды ТЖМ.
ТЖМ құтқарушылары тауға бара жатқан туристерді, маршруттың көп бөлігін түскі асқа дейін орындап, қараңғы түскенге дейін үйге қайтуға тырысу қажеттігін ескертеді.
