Жаттығулар барысында 3,5 мың әскери техника қолданылады
Польшада НАТО-ның Dragon-24 оқу-жаттығуы өтіп жатыр. Бұл туралы Sarbaz.kz тілшісі BBC агенттігінің баспасөз қызметіне сілтеме жасап хабарлайды.
НАТО-ның жаттығуларына Польша армиясының 15 мың әскери қызметкері және НАТО-ның жекелеген елдерінен, бірінші кезекте АҚШ пен Ұлыбританияның 5 мың әскери қызметкері қатысып жатыр. Жаттығулар барысында 3,5 мың бірлік әскери техника қолданылады.
НАТО-ның Steadfast Defender-24 әскери маневрлері мамыр айының соңына дейін Атлантикадан НАТО-ның шығыс флангына дейінгі аумақта өтеді. Оған 90 мың адам, оның ішінде Альянстың барлық елдері мен Швецияның әскери қызметкерлері, сондай-ақ 50-ге жуық әскери кеме, 80 ұшақ және 1100 жауынгерлік техника қатысады.
Польша Қарулы Күштерінің Жоғарғы қолбасшылығы атап өткендей, бұл әскери маневрлер «Альянс пен оған мүше мемлекеттердің қорғаныс қабілетінің ең үлкен көрінісі», бірақ сонымен бірге «қорғаныс сипатында және ешбір елге қарсы бағытталмаған».
