АҚШ 18 жылдан астам уақыт бойы бірінші әскери держава болып тұр
Стокгольмдағы SIPRI халықаралық бейбітшілікті зерттеу институты әлем елдерінің әскери күш-қуатына зерттеу жүргізді, деп хабарлайды Sarbaz.kz тілшісі Energyprom-ға сілтеме жасап.
Әлемдегі ірі мемлекеттердің әскери қуаты туралы Global Firepower ұйымының деректері қорытындыны растайды: басқа елдермен салыстырғанда Қазақстан өте әлсіз позицияда. Global Firepower әскери қуатының жаһандық рейтингінде Қазақстан 145 елдің ішінде 58-орынға жайғасқан.
Тізімдегі рейтинг қорғаныс бюджеті мен армия көлемінен бастап танктер мен әскери ұшақтардың санына дейінгі 60-тан астам факторды қамтитын GFP индексіне негізделген. Көрсеткіш неғұрлым төмен болса, соғұрлым елдің әскери қуаты артады деп есептеледі. Қазақстанда бұл көрсеткіш 0,9495, АҚШ-та ең көп 0,0699. Америка Құрама Штаттары 18 жылдан астам уақыт бойы бірінші әскери держава болып тұр.
ҰҚШҰ әскери-саяси одағының құрамындағы қалған мемлекеттердің көрсеткіштері Қазақстаннан да төмен. Рейтингте Беларусь – 64-орында, Қырғызстан – 100-орында, Армения – 102-орында. Тәжікстан ең артта қалды: бұл мемлекеттің GFP индексі 2,1265-тен асады.
