Өрттің алдын ала себебі анықталды
ҚР ТЖМ мәліметіне сәйкес, 23 ақпан күні түнгі сағат 01.25-те СҚО Айыртау ауданының Новокрайнка ауылында жеке тұрғын үй өртенді, деп хабарлайды Sarbaz.kz.
Ең жақын өрт сөндіру бөліміне дейінгі арақашықтық – 10 км.
«Өрттің ауданы – 96 ш.м. Оқиға орнында 1951 жылы туған әйел адамның мәйіті табылды. Төтенше жағдайдың алдын ала себебі – жылыту пешін пайдалану кезінде өрт қауіпсіздігі ережелерін бұзу.
Жалын сағат 02:14-те оқшауланып, 04:25-те жойылды. Өртті сөндіруге СҚО ТЖД жеке құрамынан 6 адам жəне 2 техника жұмылдырылды», - делінген ҚР ТЖМ хабарламасында.
