Елшіліктің жәрдемімен аталған елдердің аумағынан 28 азамат шығарылды
Тайландпен шекаралас елдерде соңғы екі жылда 200-ге жуық қазақстандық құлдықта болған. Бұл туралы Сыртқы істер министрлігінің ресми өкілі Айбек Смадияров мәлім етті, деп хабарлайды Sarbaz.kz.
«Соңғы 2 жылда Тайландпен шекаралас Мьянма және Лаос аймағында 200-ге жуық Қазақстан азаматы еңбек құлдығына түскені белгілі болды. Елшіліктің жәрдемімен аталған елдердің аумағынан 28 азамат шығарылды», - дейді Айбек Смадияров.
Ол өз сөзінде 60-қа жуық отандасымыз елшіліктің көмегіне сүйенбей, Қазақстанға өз еркімен оралғанын айтып өтті.
«Қазір бізде бар ақпаратқа сәйкес, аталған елдер аумағында 100-ге жуық қазақстандық құлдықта қалып отыр», - деді Айбек Смадияров.
